مشكلة تسريب مياه السيفون من المشاكل الشائعة في كل بيت وممكن تسبب ارتفاع كبير في الفاتورة بدون ما ناخد بالنا واحيانا بيكون التسريب بسيط وغير ملاحظ بوضوح لكن مع الوقت ممكن يستمر في إهدار المياه ويسبب أضرار بسبب التسريب لو كان فيه تسريب خارجي وعشان كده مهم جدا نتعرف على الأسباب وطريقة التشخيص مع خطوات الإصلاح البسيطة اللي ممكن نعملها بنفسنا في البيت.
أسباب تسريب مياه السيفون في الحمام
من أهم الأسباب اللي بتؤدي لتسريب المياه من صندوق السيفون هو تلف الجلدة الداخلية اللي بتمنع نزول المياه من الصندوق للحمام ومع كثرة الاستخدام والترسبات الجيرية الموجودة في المياه الجلدة دي بتفقد مرونتها ومش بتقفل بشكل محكم وده بيخلي المياه تخرج باستمرار وتستمر في النزول بدون توقف حتى لو وصل مستوى المياه داخل الصندوق للحد الطبيعي وتوقف محبس الدخول عن التعبئة.
السبب الثاني المشهور جدا هو عطل في العوامة نفسها أو ضبط مستوى الارتفاع بتاعها العوامة وظيفتها إنها تتحكم في محبس دخول المياه وتوقف تدفق المياه لما الصندوق يمتلئ لحد المستوى المحدد ولو العوامة مش مضبوطة أو فيها كسر المياه بتفضل تنزل وتعدي المستوى المسموح بيه وتنزل في فتحة الفائض ومنها على التواليت وده بيخلي المياه تسرب على طول من غير ما المحبس يقفل.
السبب الثالث هو تلف محبس دخول المياه الداخلي أو تراكم الأملاح والترسبات جواه وده بيمنع المحبس انه يقفل بالكامل حتى بعد ما ترفع العوامة لمستوى الإغلاق المطلوب وبالتالي بتفضل المياه تتسرب وتدخل الصندوق باستمرار بدون توقف.
إزاي تحدد مكان تسريب مياه السيفون؟
استمرار نزول المياه داخل قاعدة التواليت رغم إن مستوى المياه داخل الصندوق طبيعي ومش واصل لفتحة الفائض وده غالبا بيشير لتلف جلدة صمام الطرد أو وجود ترسبات تحتها تمنع الإغلاق المحكم.
ارتفاع المياه داخل الصندوق وتخطيها الحد المسموح ووصولها لفتحة الفائض وده غالبا مرتبط بمشكلة في ضبط العوامة أو عطل في محبس دخول المياه الداخلي.
ظهور المياه أسفل صندوق السيفون أو عند الوصلات الخارجية ومحبس الزاوية وده قد يكون بسبب تلف الجوانات المطاطية أو الخراطيم أو وجود تسريب من جسم محبس الزاوية نفسه أو عدم إحكام الوصلات.
خطوات إصلاح تسريب السيفون بنفسك في المنزل
1 التحضير وفحص الأجزاء الداخلية
عشان تبدأ في إصلاح السيفون أول خطوة لازم تعملها هي إغلاق محبس المياه الخاص بالسيفون عشان تقدر تشتغل بدون هدر للمياه وتاني خطوة هي تفريغ الصندوق تماما عن طريق شد السيفون لحد ما الصندوق يفضى من كل المياه اللي فيه وبعدين نرفع الغطاء بحرص ونبدأ نفحص القطع الداخلية واحدة واحدة عشان نحدد فين التلف بالضبط مع الأخذ في الاعتبار ان بعض أنواع السيفون الحديثة تختلف في تصميمها وطريقة فكها عشان كده لازم تتعامل بحرص بدون استخدام قوة تسبب تلف القطع.
2 فحص العوامة وضبط مستوى المياه
أول حاجة تتأكد من حرية حركة العوامة وعدم وجود أي عائق يمنعها من الصعود وتظبط مستوى المياه من خلال مسمار الضبط حسب نوع السيفون ولو كانت العوامة مكسورة أو مش بتتحرك بشكل سليم بيتم استبدالها بواحدة جديدة مطابقة لنفس النوع.
3 فحص الجلدة الداخلية واستبدال التالف
لو كانت المشكلة في استمرار نزول المياه داخل قاعدة التواليت رغم إن مستوى المياه داخل الصندوق ثابت عند الحد الطبيعي بيتم فك صمام الطرد بحرص واستخراج الجلدة القديمة وملاحظة أي تشققات أو ترسبات جيرية عليها ويتم استبدالها بقطعة مطابقة تماما في المقاس والشكل للمساعدة على إيقاف التسريب واستعادة الإغلاق المحكم.
4 فحص محبس دخول المياه وتنظيفه
يتم فحص محبس دخول المياه للتأكد من عدم انسداده بالأملاح أو الترسبات ويتم تنظيفه حسب تصميمه وتعليمات الشركة المصنعة بدون استخدام أدوات حادة قد تتلف الأجزاء الداخلية مع العلم أن بعض الأنواع تحتاج إلى الاستبدال المباشر بدلا من محاولة الفك والصيانة وفي حالة وجود أجزاء غير مألوفة أو تسريب صعب تحديد مصدره يفضل الاستعانة بسباك متخصص لتجنب أي أضرار.
الاختبار التجريبي بعد الصيانة
بعد ما تخلص تغيير القطع التالفة أو ضبط العوامة افتح محبس المياه تاني وسيب الصندوق يمتلئ وراقب حركة المياه عشان تتأكد ان المحبس بيقفل تماما وتتوقف المياه عند المستوى المطلوب وتتأكد كمان من عدم استمرار نزول المياه داخل قاعدة التواليت بعد انتهاء عملية الطرد وعدم وجود أي تسريب عند محبس الزاوية والوصلات الخارجية وأسفل صندوق السيفون وبكده تكون وفرت في استهلاك المياه وحميت حمامك من أضرار تسريب المياه المستمر بطريقة سهلة ومجربة.
الخلاصة
حل مشكلة تسريب مياه السيفون بدري بيحميك من استهلاك مياه زيادة وفواتير عالية غير ضرورية وبيحافظ على أجزاء السيفون والحمام من الأضرار ولو واجهتك أي مشكلة صعبة أو عطل غير مألوف فالأفضل دائما الاستعانة بسباك متخصص عشان تتجنب حدوث أي تلفيات إضافية.
وللمزيد من الحلول المنزلية الشاملة لحماية المياه وتقليل الهدر في حمامك يمكنك الاطلاع على دليلنا حول اصلاح تسريب الحنفية في الحمام بنفسك بخطوات سهلة.
